QALX,QALX ULU BAYRAQ !

ƏN UCA BAYRAQ.

GÜLƏŞÇİMİZ ERMƏNİYİ MƏGLUB EDİR.

BAYRAQ HAQQINDA MARAQLI FAKTLAR

Dünyanın ən hündürdə dalğalanan bayraqları...   Son günlər bayraq mövzusu gündəmdən düşmür. Belə bir məqamda dünya ölkələrinin bayraqları, ən hündürdə dalğalanan bayraqlar barədə bəzi maraqlı məlumatları təkrarən oxuculararımızın diqqətinə çatdırırıq. Dövlətin əsas atributlarından biri olan bayraq fərqləndirici rəmz, müstəqilliyin simvolu və müqəddəs dəyərdir. Əcdadlardan xalqlara miras qalan bu müqəddəs dəyəri qorumaq, ona hörmət etmək hər bir kəsin borcudur. Qədim dövrlərdə bayraq həm xalqların yaşadığı ərazilərin sərhədlərini bildirən işarə, həm də müharibə aparan tərəflərin bir-birini ayırd edə bilməsi üçün istifadə olunan simvol olub. Qədim dövrlərdə müharibə aparan tərəflərin istifadə etdiyi bayraqlar əsasən nizələrin ucuna taxılmış quş və ya heyvan fiqurlu parçalar olub. Bu isə özündə güc və döyüş ruhunu assosiasiya edirdi. İlk bayraq Çində qaldırılıb Tarixə məlum olan ilk bayraq qədim Çində qaldırılıb. Çində Çjou sülaləsinin əsasını qoyan imperator qoşunun önündə onun saraya gəlişini xəbər verən ağ bayrağın aparılması əmrini verib. Beləcə tarixdə müasir bayraqların ilk oxşarı qaldırılıb. Avropada isə ilk bayraq qədim Romada istifadə olunub. Sonralar tədricən hər bir dövlətin öz bayrağı yaranıb. Bayraqlar müxtəlif olur. Onlar ayrı-ayrı rənglər və simvollar vasitəsilə dövlətləri, əyalətləri, şəhərləri, silahlı qüvvələri, dövlət idarələrini, dini və etnik qrupları, kilsə və məscidləri, akademik idarələri, klubları, gənclər və kommersiya təşkilatlarını, hava və dəniz yollarını, regional birlikləri və beynəlxalq təşkilatları fərqləndirir. Maraqlı milli bayraqlar Bütün bayraqlar vacib rol oynasa da, ölkələri təmsil edən milli bayraqlar daha önəmli yer tutur. Müasir dövlətlərin milli bayraqlarında ən çox istifadə olunan rəng qırmızıdır. Daha sonra ağ, göy, sarı və qara rənglər gəlir. Bir çox ölkələrin baraqlarında ulduz, ay, günəş, heyvan, bitki simvolları, dini təsvirlər əks olunub. Liviya bayrağında yalnız bir rəng (yaşıl) istifadə edən yeganə ölkədir. Yeganə kvadrat şəkilli bayrağın sahibi isə İsveçrə dövlətidir.  Nepalın bayrağı isə iki üçbucağın birləşməsi formasında olduğuna görə fərqlənir. Bu, dünyada dördküncü olmayan yeganə bayraqdır. ABŞ-ın bayrağında 50, Braziliyanınkında isə 23 ulduz əks olunub. Malayziyanın bayrağındakı ulduz isə ən çox guşəlidir - 14 uclu ulduz 13 ştatın və paytaxtın göstəricisidir. Ən böyük heyvan təsvirli bayraq Şri-Lankanındır. Onun üzərində şir təsvir edilib. Butan Krallığının bayrağında isə böyük ağ-qara əjdaha çəkilib. Ən böyük quş simvolu Albaniyanın bayrağındakı ikibaşlı qartaldır. Bu ölkə «qartallar ölkəsi» adlandırılır. Ən böyük bitki təsviri isə Kanada bayrağındadır, onun üzərində ağcaqayın yarpağı təsvir edilib. Səudiyyə Ərəbistanının bayrağı üzərində isı ərəbcə «Allahdan böyük tanrı yoxdur və Məhəmməd onun elçisidir» sözləri yazılıb.  Dünyanın ən böyük bayraqları Bu gün dünyanın bir çox ölkələrində ölçüsünə və hündürlüyünə görə çox böyük bayraqlar dalğalanır. Sevindirici haldır ki, artıq həmin ölkələrin sırasında Azərbaycan Respublikası da var. Dünyadakı ən böyük bayraqlardan biri Türkmənistanın paytaxtı Aşqabadda dalğalanır. Keçmiş dövlət başçısı Saparmurad Türkmənbaşı adına Milli muzeyin qarşısındakı nəhəng bayrağın asıldığı dirəyin hündürlüyü 133 metrdir. Onu 2008-ci il iyunun 29-da qaldırıblar. 52,5 metr uzunluğu, 35 metr eni olan bayrağın çəkisi 420 kiloqramdır. Bu bayraq öz göstəricilərinə görə Ginnesin Rekordlar Kitabına düşüb. Əvvəllər isə bu sahədəki rekord göstərici İordaniyaya məxsus olub. İordaniyadakı bayraq ağacının uzunluğu 132 metrdir. Dünyadakı ən böyük bayraqlardan biri də İsraildə qaldırılıb. Onun uzunluğu 660 metr, eni 100 metr, çəkisi isə 5,7 tondur. Amerika da nəhəng bayrağın dalğalandığı ölkələr sırasındadır. Adı Ginnesin Rekordlar Kitabına salınan bayraqlardan biri də Birləşmiş Ərəb Əmirliklərindədir. Dubay şəhərində, Dövlət Əmlak Nazirliyinin binası üzərində qaldırılan bayraq ağacının hündürlüyü 123 metr, ağırlığı 95 tondur. Ağacın ucuna bərkidilən nəhəng bayrağın ölçüləri isə 40x20 m təşkil edir. Dubay şəhərində 121 metr hündürlükdə dalğalanan ikinci bir nəhərg bayraq da var. Bir neçə gün öncə Bakının Bayıl qəsəbəsində açılan Dövlət bayrağı meydanında qaldırılan üçrəngi bayrağımız da Ginnesin Rekordlar Kitabına düşüb. Buradakı bayraq dayağının hündürlüyü 162 metr, bayrağın özünün isə ölçüsü 35x70 metr, çəkisi 350 kiloqram, ümumi sahəsi 2450 kvadratmetrdir.

BAYRAQ HAQQINDA

Bayraq

Birləşmiş Millətlər Təşkilatının bayrağı

Dünya dövlətlərinin bayraqları

Bayraq — bir ölkəni, təşkilatı, quruluşu və ya birliyi işarələyən, əsasən dördbucaqlı şəklində olan lövhə və ya parça. Bayraqları öyrənən elm sahəsi veksillologiya adlanır.

Tarixi

Bayraqlar ilk illərdə yalnız siqnallaşma üçün istifadə edilmişdir. Ölkələrin özlərinə bayraq təyin etməsi isə, döyüşlərdə tərəflərin bir-birlərini ayırd edə bilmələri üçün Orta əsrlərin əvvəllərində ortaya çıxmışdır.

MÜQƏDDƏS BAYRAQ

ÜÇ RƏNGLİ BAYRAQ

Müəllif: Dunyamin

Göylərə yüksəlib üç rəngli bayraq, Onu ucalardan enməyə qoyma! Qəlbimin başında qığılcım yanar, Ey Vətən, sən onu sönməyə qoyma! Oğullar sıyrılsın qınından yenə, Keçsinlər ürəklə canından yenə. İçsinlər düşmənin qanından yenə, Alçağı qalxmağa, dinməyə qoyma! Göylər mavi rəngli tül,ipək olsun, Dünya al geyinsin, gül- çiçək olsun! Ömür yaşıl donlu gələcək olsun, Milləti bu yoldan dönməyə qoyma! Sınmarıq milləti sındıranlara, Qəhr olsun ümidi donduranlara! Eşq olsun gur işıq yandıranlara, İşığı zülmətə yenməyə qoyma! Gəlir babalardan haraylı bir səs, “Yüksələn bir bayraq bir daha enməz!” Azadlıq eşqimiz tükənərmi bəs?! Ya Rəbbim, bu eşqi sönməyə qoyma! Şuşam da, Laçın da əsirdir hələ, İnləyir, inləyir bu torpaq hələ. Oğullar ayağa qalxacaq hələ, Onları bu yoldan dönməyə qoyma! Dinimiz, dilimiz, torpağımız var, Dağımız, çölümüz, irmağımız var. Ey Vətən, üç rəngli bayrağımız var, Zirvəyə ucalıb, enməyə qoyma